الكلام كتر ف الايام الاخيرة وراء حقيقة مقتل جاسر .... ولكن معظم الناس بتقول قصة وهي
ان جاسر ومحمود شهاب كانوا بينضفوا الجامع علشان رمضان وكده..جه النور اتقطع..ناس من الصعايده مسيحيين عايزين يدخلوا الجامع ((يقال بالجزم)) علشان يملوا ميه
قالهم جاسر لما النور يجي...واد منهم شتمه ..قام جاسر ماسك ف خناقه..شافه واحد صعيدي قريبه طلع يجري بالسكينه وقام راشقها ف جسم جاسر..بالمناسبه جاسر الله يرحمه ويسامحه واخد 3 جمهوريه ف كمال الاجسام اكتر من سنه
قام جاسر شايل السكينه من صدره وقتل بيها اللي ضربه...حصل تفريغ هوا جوا جسمه وتوفى.. والصعيدي اللي ضربه مات.محمود شهاب اتخبط بسلاح ابيض ف بطنه وهو ف العنايه المركزه دلوقتي
طبعا جاسر الله يرحمه بيضرب بيه المثل ف القوة ف كفر الزيات..يعني من الاخر زي ابراهيم الابيض كده عندنا..والبلد كلها بتحبه...والراجل ياعيني مراته بيقولوا حامل ولسه راجع من عمره من قريب
العزبه اتلمت ع الصعايده مفيش نص ساعه وكفر الزيات بالكامل ف العزبه عمالين يقتلوا ف الصعايده ويحرقوا ف البلح ويفتحوا الجراشات اللي ساكن فيها الصعايده ويحرقوها دا كان قدام عيني...جات الشرطه الناس كسروا عربيه البوكس وضربوا الظابط والمخبرين ودا اللي خلا فيه ضرب نار ف الهوا ..وطبعا الصعايده هربوا ف البلد...وفي واحد منهم اتقتل في الموقف
جثه جاسر الله يرحمه ف المشرحه دلوقت ف انتظار الطبيب الشرعي
ولأن الجماعه الصعايده دول مسيحيين..دا اللي خلى الامن المركزي يتدخل لانها بتعتبر فتنه طائفيه وربنا يستر ع البلد
طبعا اكتر من 6 عربيات لوري محمله بعساكر الامن المركزي بالافارول الاسود وكنت شايف لوائين هناك..واحد امن مركزي والتاني امن عام
وكام مصفحه وعربيات بوكس كتيير
