الاستاذ /صلاح محمود الحصاوي لقاء عن قرب

الاستاذ / صلاح الحصاوى وحوار مع ابومايسه

الاسم : صلاح محمود الحصاوى
الناحية التعليمية : ابن الازهر الشريف الابتدائية الازهرية الاعدادية الازهرية ثانوي أزهري سنة 83 حاصل علي بكالوريوس تجارة سنة 88
عملت في بنك القاهرة فرع طنطا لمدة عامين وسويت عملي بجانب العمل اللي كنت بشتغل فيه بالتجاره الحره
اعشق خدمه الناس وخاصه اهل بلدى فأنا متفرغ الحمد لله والحالة متيسرة الحمد لله رب العالمين وعندي ما يكفيني
وطوعت نفسى لخدمة الناس
من عام 90 وانا فى المحليات عضو مجلس محلى مدينة دوره كامله عضو مجلس محلي مركز دورة كاملة عضو مجلس محلى محافظه مستقل وحاليا عضو محافظه الدوره الرابعه وترشحت لمجلس الشعب مرتين ولم اوفق
امام الاخوان المسلمين وان شاء الله سانزل الدوره القادمه على قائمه الحزب باذن الله
اهم الانجازات التى حققتها على المستوى وهى اهم حاجه الشركه الماليه واعاننا فيه السيد المحافظ بقرار جرىء بغلق مصنع
السماد المحبب وانا حريص علي الشركة المالية والعمال اللي فيها ففي الشركة المالية ابن عمي وابن خالي وابن عمتي وجوز أختي كلهم أبناء بلدنا ولكن احنا بنقول بردة ان من حقنا ان احنا نعيش بعيد عن التلوث ومن حقنا نحصل علي كوب مياه نظيف وده اللي احنا عملناه
ونحن لا نعارض الشركه الماليه وما احناش واقفين ضد الشركة المالية ولكن بنقول توفيق أوضاع الشركة المالية بس الوضع راجعلهم هما
اللي هيوفق هيوفق لنفسه ولاهل بلده ولازم يقتضي الامر انه يوفق أوضاعه صح فمش هتبقي زي كل مرة لأن المحافظ متابع ذلك يبجدية ومجلس محلي المحافظة هي قضية موسم بالنسبة له يعني واحنا قاعدين دلوقتي شايف السماء نظيفة انما لو اشتغل المحبب الوضع مش هيبقي كدة وانا للمرة الاخيرة بقول احنا مش ضد الشركة المالية احنا ابناء كفرالزيات وحريصين علي
مصلحة كفرالزيات والشركة المالية وعمال الشركة المالية انما بنقول توفيق الاوضاع للبشر للبراعم الصغيرة
اشتغلت في قطاع التعليم وكان ليا بصمة في قطاع التعليم يشهد عليها وكيل الوزارة ومدير الادارة واحنا عندنا مدير ادارة محترم وهو الاستاذ / محمد ابراهيم متولي وبيحب بلده وده فعلاً واوضح انه ابن بلد حقيقي وكان بيقدملنا مواضيع كثيرة للمدارس كنا بناقشها مع هيئة التعليم المدرسية وحصلنا السنة دي علي 8 مدارس في قليب ابيار وأبيج وكفر الشيخ علي و كفراخشة و مشلة والاسماء دي بالتحديد وآخر مدرسة حصلنا عليها في الميزانية هي مدرسة جريس وهتتعمل علي مستوي عالي وعلي جودة عالية وهتبقي من أفضل المدارس في كفرالزيات
بالنسبة للقطاع الصحي احنا حاطينا ايدينا وعنينا علي مستشفي كفرالزيات لأن مركز يختلف اختلاف كلي وجزئي عن اي مركز آخر لأن مركز كفرالزيات مركز وسطي بيضم البحيرة واسكندرية وبيضم القطاع بالكامل فتخيل لو مفيش مستشفي في كفرالزيات وعندك حادثة قوية لقدرالله فالشغل الشاغل حاليا دلوقتي الشغل في مستشفي كفرالزيات العام وفي وعود من السيد المحافظ ان احنا نستلم المستشفي في خلال 4 شهور بإذن الله
بالنسبة لقطاع الشباب احنا عندنا طفرة في مراكز الشباب وآخر مركز ياريت الناس تروح تتفرج عليه مركز شباب بنوفر معمول علي الطريقة العلمية الجديدة صالة كبيرة ومركز مكييف وملعب يعتبر شبه قانوني في طفرة في مراكز الشباب
واثاث فوق ما تتخيلو ملعب يعتبر شبه قانونى فى طفره على مستوى مراكز الشباب فى اكثر من 32 مركز شباب وبالنسبه لمركز شباب كفر الزيات احب اضيف انتم شايفين ما يحدث فى مركز الشباب والمحلات التى اصبحت تخدم نفسها بنفسها ودى بصمه للسيد رئيس مركز شباب كفر الزيات

وان شاء الله على وعد بلقاء اكثر جرأه عن الانتخابات القادمه والافكار

والطموحات التى تدور فى رأس الاستاذ صلاح الحصاوى
ونحن نلبى نداء اى مواطن من بلدى يرغب فى اجراء حوار للتعارف على صفحات المنتدى